УКМКнын төрагасы Камчыбек Ташиев Тажикстан тарапка өтүп жаткан аткезчиликти токтото тургандыгын айтты. Бул тууралуу Баткен районунун Самаркандек айылынын тургундары менен болгон жолугушуу учурунда кеп козголду.
Анын айтымында, Тажикстан менен чек ара так чечилбесе, Кыргызстан Тажикстанга Кытайдан жана башка өлкөлөрдөн келген товарларды өткөрбөй турушу зарыл.
«Биз чек араны расмий такташып алгандан кийин гана экономикалык байланыштарды мыйзам чегинде жолго коюшубуз керек. Болбосо аткезчилик күчөп, чек ара чечилбей эле, алар тарапка товарлар тоскоолдуксуз өтүп жатат»-деп кошумчалаган Камчыбек Ташиев.