Орусиянын аймагында бир суткада 9079 адамга коронвирус жукканы аныкталып, 466 бейтап көз жумду. Бул тууралуу өлкөнүн ыкчам штабы билдирди.
Алардын ичинен 52 адам Санкт-Петербургда, 51 адам Москвада дарыланып жаткан.
Орусияда пандемия башталгандан бери 4 млн 351 миң 553 адам COVID-19га чалдыкан. Мунун ичинен 3 млн 945 миң 527 бейтап айыгып, 90 миң 275 бейтап көз жумган. Учурда ооруканаларда жана үй шартында 315 миң 751 бейтап дарыланып жатат.
Орусия дүйнөлүк статистикада COVID-19га чалдыккандар боюнча 4-орунда, ал эми каза табуулар боюнча 6-орунда турат.