Өкмөттүн Талас облусундагы ыйгарым укуктуу өкүлү Айбек Бузурманкулов кызматынан бошотулду. Тиешелүү буйрукка премьер-министр Улукбек Марипов кол койду.
Өкмөттүн аппаратынын маалыматтык камсыздоо бөлүмү берген маалыматка караганда, ал башка ишке которулган.
Айбек Бузурманкулов Өкмөттүн Талас облусундагы ыйгарым укуктуу өкүлү болуп, 2020-жылдын 14-октябрында ошол кездеги премьер-министр Садыр Жапаровдун буйругу менен дайындалган.