Садыр Жапаровдун Facebook аккаунтуна хакердик чабуул жасалды. Бул тууралуу президенттин маалымат катчысы Галина Байтерек билдирди.
Анын айтымында, президент Жапаровдун Facebook аккаунтунан жазылган акыркы комментарийлерге өлкө башчынын эч кандай тиешеси жок.
«Президенттин аккаунтуна хакердик чабуул болуп, анын атынан бир канча постторго комментарийлер калтырылган. Бул жерде анын эч кандай тиешеси жок. Ал бардык пикирлерди сыйлайт жана өзүнө айтылган сындарды да туура кабыл алат. Ал эч качан бирөөнү кемсинткен сөздөрдү айтпайт», — деди Байтерек.
Белгилей кетсек, кечээ Садыр Жапаровдун аккаунтунан депутат Дастан Бекешевге карата кемсинткен сөздөр жазылган болчу.