Тоолуу райондордо кар көчкү түшүү коркунучу бар экенин Кыргызгидромет борбору кабарлады.
4-5-мартта күтүлүп жаткан жаан-чачынга байланыштуу өлкөнүн тоолуу райондорунда, Төө-Ашуу, Ала-Бел ашууларында, Чычкан капчыгайы, Мырза-Аке-Кара-Кулжа-Алайкуу унаа жолунун 74-115-чакырымдарында, Ала-Бука-Жаңы-Базар-Кировка унаа жолунун 68-101-чакырымдарында, Красная Горка-Ак-Таш унаа жолунун 1-4-чакырымдарында, Казарман-Актал-Чат унаа жолунун Ийри-Суу тилкесинде, Кара-Көө ашуусунда кар көчкү түшүүсү мүмкүн. Жолдор тайгак болуп, муз тоңот.
Мындан улам унаалардын ортосундагы 500 метр аралыкты сактоону, колдон келсе, алыс сапарга чыкпай коё турууну Өзгөчө кырдаалдар министрлиги эскертет.