Кыргызстандын Пакистандагы элчиси Эрик Бейшембиев Лахор шаарында текстиль ишканалары бирикмесинин жетекчилиги менен жолугушту. Бул тууралуу Тышкы иштер министрлигинин басма сөз кызматы билдирди.
Маалыматка ылайык, жолугушуунун жүрүшүндө тараптар текстиль тармагындагы кыргыз-пакистан кызматташтыгын өнүктүрүү маселелерин талкуулашты. Пакистан тарап Кыргызстандан пахта алып келүүгө кызыкдар экенин маалымдашты.
Мындан тышкары, жолугушуунун жүрүшүндө эки өлкө ортосундагы транспорттук-логистикалык байланыштарды өнүктүрүү маселелери талкууланды.