Өлкө башчы Садыр Жапаров 11-12-март күндөрү иш сапары менен Өзбекстанга барат. Бул тууралуу ал «Казинформбюро» агенттигине берген маегинде айтып өттү.
Президент Жапаров: «Казакстанга мамлекеттик иш сапар менен барып келген соң, 11-12-мартта Өзбекстанга барам. Андан кийин боордош Түркия жана коңшубуз Кытайга сапар уюштурулат», — деп билдирген.
Белгилей кетсек, Жапаров бүгүн эки күндүк мамлекеттик иш сапары менен Казакстанга жөнөт кеткен. Ал Нур-Султан шаарында казак президенти Токаев менен жолугушууларды өткөрүүдө.