Соттун чечимине ылайык, экс-президент жазанын бир жылын абакта, эки жылын шарттуу түрдө өтөшү керек. Саркози 10 күн ичинде токтомго каршы апелляциялык арыз берүүгө укуктуу.
66 жаштагы Саркози президент кезинде жогорку орундарды берүү үчүн кызматынан пайдаланган. Саркозинин айыбын аныктоодо адвокаты Тьерри Эрцог менен телефондон сүйлөшүүсү далил катары көрсөтүлгөн. Экс-президент менен бирге жактоочусу Тьерри Эрцог да үч жылга эркинен ажыратылды.
Николя Саркозиге карата козголгон сот иштери толук аяктай элек. Азыркы март айында 2012-жылдагы шайлоо кампаниясын каржылоого байланыштуу кийинки сот отуруму өтөт.
Николя Саркози — Францияны 2007-2012-жылдары башкарган 23-президенти. Ал президент болгонго чейин бир нече министрликтин кызматын кошо аркалаган.
