Сокулук районунда спорт залда 9-класстын окуучусу асынып алды. Бул тууралуу Чүй облустук милициясынын басма сөз кызматы билдирди.
Маалыматка ылайык, 23-февралда Сокулук райондук ички иштер бөлүмүнө 14 жаштагы Б.В. аттуу жарандын асынган денеси табылгандыгы боюнча маалымат түшкөн.
Сокулук райондук ички иштер бөлүмүнүн тергөө-ыкчам тобу аталган жерге барган. Алдын ала маалыматтар боюнча, кыз асынып алганы белгилүү болгон. Милиция кызматкерлери сөөктү визуалдык түрдө карап чыгып, анын денесинде аркан изинен башка издерди табышкан эмес.
Аталган факт Кылмыштардын жана жоруктардын бирдиктүү реестерине катталып, экспертиза дайындалды. Бардык жагдайлар такталып, учурда тергөө иш-чаралары жүргүзүлүүдө.