Пара талап кылуу жана пара алуу фактысы боюнча Эсептөө палатасынын кызматкери кармалды. Бул тууралуу Улуттук коопсуздук боюнча мамлекеттик комитеттин маалымат кызматы билдирди.
Маалым болгондой, Эсептөө палатасынын Ысык-Көл жана Нарын облустук бөлүмүнүн улук инспектору «М.А.С.» Ат-Башы районундагы үч айылдык аймакка бюджеттин аткарылышы боюнча аудит жүргүзүп, текшерүүнүн жыйынтыгын оң тарапка чечүүгө акт түзгөндүгү үчүн Ат-Башы районундагы айылдардын биринин башчысынан 60 миң сом пара алган.
Аталган кызматкер 15-февралда кармалып, Нарын шаардык Ички иштер бөлүмүнүн убактылуу кармоочу жайына киргизилди. Тергөө жүрүп жатат.