Билим берүү жана илим министринин орун басары Надира Жусупбекова «сабактардын саны, анын негизинде мугалимдер да кыскарат» деген маалыматты четке какты.
«Акыркы күндөрү соцтармактарда «айрым предметтер, мугалимдердин иш жүктөмү жана алардын саны кыскарат» деген маалымат тарап жатат. Бул чындыкка дал келбейт», — Жусупбекова.
Ал билим берүүнү өнүктүрүүгө багытталган чечимдер мугалимдер менен талкууланып, андан кийин гана бекитилерин белгиледи.