Японияда болгон күчтүү жер титирөөдөн кеминде 124 адам жаракат алды. Чет өлкөлүк маалымат каражаттары жазып чыккандай, күчү 7,1 баллга жеткен силкинүүдө көбүнчө Мияги жана Фукусима префектураларынын жашоочулары жабыркаган.
14-февралга караган түнү Тынч океанда, Фукусимадан түндүк-чыгыш тарапта болгон жер титирөө кеминде он префектурада сезилди.
Ошондой эле өлкөдөгү 950 миң үй электр жарыксыз калганы маалымдалды. Жер титирөөдөн кийин Япониядагы бир нече электр станциялары иштебей калган.