Бишкек шаарынын транспорт жана мүлк тармагын башкарган вице-мэри болуп Руслан Акылбеков дайындалды. Тиешелүү буйрукка мэрдин милдетин аткаруучу Балбак Түлөбаев кол койду.
Аны бүгүн, 9-февралда Түлөбаев эмгек жамааты менен тааныштырды.
Акылбеков буга чейин жеке юридикалык жана финансы компаниянын жетекчиси болгон. 2012-жылы Биринчи май районунун акиминин орун басары болуп иштеген.
Мурунку вице-мэр Азиз Алымкулов башка кызматка которулганына байланыштуу кызматтан бошотулган.