Франция бүгүн, 31-январдан тартып Евробиримдикке мүчө өлкөлөрдөн башка мамлекеттердин жарандары үчүн эшигин жапты. Мындай чечим өлкөдөгү эпидемиологиялык кырдаалга байланыштуу кабыл алынган.
Франциянын премьер-министри Жан Кастекс Францияга кирүүгө жана чыгууга жүйөлүү себептерсиз тыюу салынарын билдирди. Евробиримдикке мүчө өлкөлөрдөн Францияга кирүү үчүн ПЧР-тест талап кылынат.
Францияда коменданттык саат уланат. Азык-түлүк дүкөндөрүнөн, дарыканалардан башка жайлардын баары жабылат.
Кастекс жакынкы күндөрү кошумча чечкиндүү чаралар көрүлөрүн эскертти.