Германия коронавирустун жаңы түрлөрүнүн жайылышына байланыштуу өлкөгө кирүү эрежелерин өзгөрттү. Бул тууралуу «DW» билдирди.
Маалыматка ылайык, Португалия, Ирландия, Улуу Британия, Түштүк Африка Республикасы жана Бразилиядан келген коноктордун 30-январдан 17-февралга чейин Германияга кирүүсүнө тыюу салынат.
«Коронавирустун жаңы, өтө кооптуу түрү бул өлкөлөрдө тездик менен жайылууда», — деп айтылат маалыматта.
Бул тыюу салуу өлкөгө кайтып келген Германиянын жарандарына тиешелүү эмес.
Акыркы маалыматтарга караганда, Германияда коронавирусту жуктуруп алгандардын саны 2,2 миллиондон ашып, 57,1 миңден ашуун адам көз жумган.