Кыргызстанда коронавируска каршы эмдөө үч этап менен жүргүзүлөт. Бул тууралуу Саламаттыкты сактоо министринин милдетин аткаруучу Алымкадыр Бейшеналиев брифингде билдирди.
Калкты этап-табы менен эмдөө планы даярдалып, тийиштүү эсеп Каржы министрлигине өткөрүлүп берилди.
Маалыматка караганда, 1-этапта дарыгерлерди, 2-этапта калктын аялуу катмарын эмдөө жүргүзүлөт.
Профилактикалык эмдөөлөрдүн 1 жана 3-этабын жүргүзүүгө сарпталуучу каражаттын суммасы 226 млн сомду түзөт.
Тобокел тобундагы 371 миң адам эмделет.
2-этапта СOVAX программасынын алкагында тобокел тобундагы 1 млн 200 миң адамга эмдөө жүргүзүүгө вакцинанын 9 түрү сунушталды. Кыргызстан алардын натыйжалуулугуна карап, тандап алат.