Саламаттыкты сактоо министри Алымкадыр Бейшеналиев «Маралга» берген маегинде коронавируска каршы күрөштө министрлик чоң иштерди алып барганын билдирди.
Анын айтымында, учурда аймактар боюнча маалымат алынып турат.
«Ош шаарында 2 жумадан бери коронавирус же пневмония менен ооругандар каттала элек. Калган облустарда 1-3 учурлар гана катталууда. Медиктердин кылган иш-аракеттеринин үзүрүн көрүп жатабыз. Пандемияны көзөмөлдөп, иштелип чыккан алгоритм боюнча мектеп, университет, бала бакчалар ачылып баштады. Тийиштүү мекемелер санитардык эрежелерди, алгоритмди сактагандыктан, жеңишке жетип келе жатабыз», — дейт министр.
Бейшеналиев белгилегендей, илдеттин кесепетинен кыргыз эли кыркка жакын атактуу медиктеринен айрылып калды. Күндөн-күнгө оору жуктурган медкызматкерлердин саны азаюуда.