Улуттук коопсуздук мамлекеттик комитети Кара-Суу районунун «Савай» айылынын өкмөт башчысы Мунарбек Сайпидинов тергөө иштери аяктаганга чейин кызматынан алынганын кабарлады. Мындай чечим Ош шаардык соту тарабынан 14-январда кабыл алынган.
Ош шаардык сотунун 15-январдагы чечими менен ушул эле тартипте Сарай айыл өкмөтүнүн башчысы Замир Тургунбаев да ишинен бошотулду.
Мектепти курууда чыгымдары ашыкча көрсөткөн деген шек менен Замир Тургунбаев 6-январда, Мунарбек Сайпидинов 11-январда кармалган. Мындан тышкары Сайпидиновду уюшкан кылмышту топту түзүүгө катыштыгы бар деген айып тагылган. Шаардык сот тарабынан экөө тең 2 айлык мөөнөткө үй камагына алуу түрүндө баш коргоо чарасы каралып, бошотулган.