«Маданий очок» долбоорунда Абдил Сегизбаев эң опурталдуу талапкер болгонун Жогорку Кеңештин маалымат кызматынын мурунку башчысы Ибраим Нуракун уулу «Маралга» берген маегинде билдирди.
«Сегизбев келгенде эле бир папка документ менен келди. Сүйлөп жатканда да өз пикиринде курч фактыларды айтып жатты. «Алар чындыкка дал келеби?» деген ой болду. Көп нерселерди ачык айтып, «бомба жарылат» дегендердин баары ошол жерде болуп, биз улам көрармандарга айтылган маалыматка талапкер гана жооптуу экенин эскертиип жаттык. Чындыгында, сот, тергөө органдары баа бере турган маселелер да айтылып кетти», — дейт Нуракун уулу.