Алексей Навальный Орусияга качан кайтарын айтты

Орусиялык оппозиционер Алексей Навальный Орусияга качан кайтарын Твиттердеги баракчасына жазды.

Ал Германияда дарылануу  үчүн гана болгонун, 17-январда мекенине кайтарын жазды.

Вопрос "возвращаться или нет" передо мной не стоял никогда. Просто потому, что я не уезжал. Я оказался в Германии, приехав в неё в реанимационной коробке.
17 января, в воскресенье, я вернусь домой рейсом "Победы".
Встречайте 😉https://t.co/7J7ImemgvR

— Alexey Navalny (@navalny) January 13, 2021

Алексей Навальный 2020-жылдын 20-августунда Орусиянын Томск шаарынан Москва шаарына учар алдында эс-учун жоготуп, ооруканага түшкөн.

22-августта атайын учак менен Германиянын Берлин шаарына жеткирилген. Дарыгерлер Навальный тыюу салынган химиялык зат менен ууландырылганын айтышкан.

14-декабрда «Bellingcat» иликтөө тобу жана «The Insider» басылмасы Навальныйдын ууландырылышы тууралуу иликтөө чыгарган. Анда кол салууга аралашкан болушу керек деген орусиялык атайын кызматта иштеген бир нече адамдын аты аталган.

Орусиянын Тергөө комитети 29-декабрда Алексей Навальныйга өзгөчө ири суммада көз боёмочулук кылган деген шек менен кылмыш ишин козгоду.