Борбордук шайлоо комиссиясынын ыкчам чара көрүү координациялык тобуна 50 билдирүү түшкөн. Анын 30у участкалык шайлоо комиссиялары боюнча даттануулар. Бул тууралуу БШКнын мүчөсү Тынчтык Шайназаров 11-январда өткөн маалымат жыйында кабарлады.
Мындан тышкары добуш сатып алуу боюнча бир факты, техникалык мүчүлүштүктөр боюнча 7 даттануу, үгүт маалында мыйзам бузулушу боюнча 3 билдирүү, административдик ресурстун колдонулушу боюнча 1 факты жана башка даттануулар бар.
Шайназаровдун айтымында, тийиштүү органдар ар бир фактыны текшерип, чечим кабыл алынды.