Бүгүн, 10-январда саат 08:00дөн бери Ички иштер министрлигине мыйзам бузуулар боюнча 8 материал келип түштү. Учурда тергөө иш-чаралары жүрүп жатат. Бул тууралуу брифингде Ички иштер министринин орун басары Октябрь Урманбетов билдирди.
Маалым болгондой, 8 материалдын ичинен 7 факт Бишкекте, 1 факт Ошто катталган. Ал эми үгүт маалында Ички иштер министрлигине мыйзам бузуулар боюнча 78 арыз келип түшкөн.
4-октябрдагы парламенттик шайлоодо мыйзам бузуулар боюнча 500дөн ашуун арыз түшкөн.
Учурда 11 миңден ашуун милиционер коомдук тартипти камсыздап жатат.