Биз менен байланышыңыз

Шайлоочулар тууралуу: Алардын көбү Ош облусунда

Кыска кабар | 7 Янв 2021 | 521 | 0

Президенттик шайлоого жана референдумга добуш берүүчүлөрдүн так тизмеси 2-январда түзүлүп өлкөнүн баардык шайлоо участкаларына илинди. Бул тууралуу Борбордук шайлоо комиссиясы кабарлады. Ага ылайык, 10-январь күнү шайлоого катышууга 3 млн 563 миң 574 жаран укук алган.

Шайлоочулардын эң көбү Ош облусунда, алар жалпы добуш берүүчүлөрдүн 20%ын түзөт. Алардын аймакка бөлүштүрүлгөндөгү көрсөткүчү төмөнкүдөй:

-Бишкек – 416 123 (12%)

-Ош шаары – 151115 (4%)

-Баткен – 297 264 (8%)

-Жалал-Абад – 666 695 (19%)

-Нарын – 202 475 (6%)

-Ош облусу – 722 933 (20%)

-Талас – 157 886 (4%)

-Чүй – 591 818 (17%)

-Ысык-Көл 307 786 (9%)

-28 чет өлкөдөн добуш бере тургандар – 49 479 (1%)

БШКнын маалыматына ылайык, быйыл 2017-жылдагы президенттик шайлоо учуруна салыштырмалуу шайлоочулар 537 миң 804 адамга көбөйгөн. Бул өсүш 18%ды түзгөн.

Жаш курактагы 18 жаштан 30 жашка чейинки шайлоочулардын саны, баардык шайлоочулардын жалпы санынан 31%дан ашыгын түзөт.

Шайлоочулардын тизмесинин гендердик курамындагы 52,21% — аялдар, 47,679% — эркек шайлоочулар.

Эскерте кетсек, мөөнөтүнөн мурда президенттик шайлоо жана башкаруу формасын аныктаган референдум 10-январда өтөт. Анда 17 талапкер ат салышмакчы.

 

Copyright © 2017 Maral FM