Сузак районунда жаш келин үч баласы менен иске ууланып каза тапты. Бул тууралуу «Турмуш» басылмасы жазды.
Окуя 1-январдан 2-январга караган түнү Сузак районунун Кашка-Терек айылында болгон. Анда 1991-жылы туулган жаш келин 9 жаштагы уулу жана 4 жашар эгиз уул-кызы менен иске ууланып калган.
«Келиндин кайната-кайненеси ушул эле короодогу башка үйдө болчу. Эртең менен келгенде төртөөнүн эс-учун жоготуп жатканын көрүшкөн. Дароо ооруканага жеткиришкен, бирок ал маалда сактап калууга үлгүрбөй калышкан. Каза тапкан маркумдун күйөөсү Москавада иштейт», — деген жергиликтүү тургундардын бири басылмага.
Дагы бир маалыматка ылайык, ушул үйдүн башка бөлмөсүндө жаткан 2005-жылы туулган жаш бала — каза тапкан келиндин кайниси кошо ууланган. Ал Бишкекке жеткирилип, Октябрь аймактык ооруканасына жаткырылган.