«Талибан» кыймылынын буктурмасына кабылган Ооганстандын алты полициясы каза тапты. Бул тууралуу «РИА Новости» маалымат агенттиги жазды.
«Бул окуя Ооганстандын чыгышында жайгашкан Нангархар провинциясында болгон», — деп айтылат маалыматта.
Полициянын жергиликтүү бөлүмү кечээ, 1-январда Батикот округунда буктурмага кабылган. Анын кесепетинен командири баштаган алты кызматкер шейит кетип, төрт кызматкер жаракат алган.
Ошондой эле бүгүн, 2-январдын таңында «Талибан» кыймылы бир автобусту 45 жүргүнчүсү менен барымтага алганы маалымдалды.