2021-жыл — эң оор жыл болот. Бул тууралуу Улуттук бизнес ассоциациялар альянсынын төрагасы Искендер Шаршеев «Маралга» берген маегинде билдирди.
Анын айтымында, экономисттер ИДӨнүн көлөмү өткөн жылга салыштырмалуу 5.7 %га аз болуп калышы ыктымал экенин белгилешүүдө.
2021-жылы да абалдан чыгып кетүүгө болот. Анткени пандемия айыл чарбасына, соодага көп сокку урган жок. Көбүрөөк туризм, өндүрүш, кен казуу жана каржылык сектор катуу жабыркады. 2021-жылы да аталган тармактар сокку жейт, бирок кошумча ресурс бар.
Өткөн жылга салыштырмалуу быйыл курулуш тармагынын кирешеси 80 пайызга төмөндөп кетти. Кафе, ресторандардын кирешеси дээрлик 40 %га азайды. Ал эми соода-сатык 5 %га солгундады.
Дары-дармек сатуу 3%га, IT тармагы 26 %га жогорулады.