«Кыргыз темир жолу» ишканасынын түштүк бөлүмүндө мамлекеттик сатып алууларды өткөрүү боюнча кезектеги коррупциялык схема аныкталды. Бул тууралуу Улуттук коопсуздук боюнча мамлекеттик комитеттен кабарлашты.
Сотко чейинки өндүрүштүн алкагында «Кыргыз темир жолу» ишканасынын түштүк филиалынын мурунку жетекчилиги жана жооптуу адамдары жеке компаниялар менен жогорулатылган баада мамлекеттик сатып алууларды туруктуу жүргүзүп келишкен.
Мамлекеттик ишкананын түштүк филиалынын мурдагы башчысы «Ю.Б.К.» темир жол тармагын өнүктүрүүнүн кызыкчылыктарына каршы келген мыйзамсыз иш-аракеттеринин натыйжасында, жеке мамлекеттик сатып алуулар үчүн келтирилген чыгымдын суммасы 11 миллион сомдон ашты.
2020-жылдын 14-декабрында Жазык-процесстик кодексинин 98-беренесинин негизинде «Кыргыз темир жолу» ишканасынын түштүк бөлүмүнүн мурдагы башчысы «Ю.Б.К.» кармалып, УКМК тергөө камак жайынын убактылуу кармоочу жайына киргизилди. Тергөө уланууда.