Саламаттыкты сактоо министрлиги коронавирустун экинчи толкунуна карата даярдык планын иштеп чыккан.
Министрликтин өкүлү Айнура Акматованын айтымында, кошумча стационарлар уюштурулуп, бейтаптарды дарылоо боюнча клиникалык протоколдун 5 варианты каралууда.
«Дары-дармек, ИВЛ аппараттары, кычкылтек концентратору, жеке коргонуу каражаттары, дезинфекциялоо каражаттары, антисептиктер сатылып алынган жана запасы даярдалган», — деди Акматова.
Тогуз стационарда оңдоп-түзөө иштери жүргүзүлүп, 3 жаңы стационар курулду.
Кыргызстанда 8-декабрга карата коронавирус менен катталгандардын жалпы саны 75 миң 690го жетти. Каза тапкандардын жалпы саны 1301, айыккандар 67 миң 873тү түзүүдө.