Кыргызстандын Улуттук банкы кезектеги интервенцияны жүргүзүп, валюта рыногуна 10 млн 300 миң доллар сатты. Мындай маалымат банктын сайтына жарыяланды.
Бул декабрь айындагы экинчи жолу жасалган интервенция, буга чейин 1-декабрда 5 млн 250 миң доллар сатыкка чыккан.
Жыл башынан бери Улуттук банк валюта рыногунда 27 жолу интервенция жасады.
Кыргызстанда учурда доллардын курсу 85 сомдун тегерегинде болууда. 8-декабрга карата расмий курс 84 сом 79 тыйын.