Акыркы сутка ичинде дүйнө боюнча 7135 адам коронавирустан каза болду. Мындай маалымат Жонс Хопкинс университетинин сайтынан алынды.
7-декабрга карата дүйнө боюнча коронавирус менен катталгандардын жалпы саны 67 миллион 9 миң 962 адамды түздү. Вирус жуктуруп алгандардын ичинен 43 миллион 37 миң 397 бейтап айыгып чыккан. Андан сырткары 1 миллион 535 миң 107 адам каза болду.
Коронавирус эң көп катталган өлкөлөрдүн башында АКШ турат. Анда вируска кабылгандардын жалпы саны 14 миллиондон ашат.
Америкадан кийинки рекорд Индияга таандык. Бул өлкөдө жалпы 9 миллион 571 миң 559 адамдан коронавирус аныкталган.
Ал эми тизме боюнча үчүнчү сапта Бразилия турат. Аталган өлкөдө 6 миллион 533 миң 968 адам вируска кабылган.