Билим берүү — жаңыланууга көп деле багыт ала бербеген тармак. Дүйнөдөгү тенденцияларды эске алып, мазмуну жаңыланбаса, бүтүрүүчүлөр дүйнө рыногуна атаандаштыкка чыга албай, жараксыз болуп калуу коркунучу бар. Андыктан билим берүүнүн мазмунун жаңылоо милдети турат. Бул тууралуу Билим берүү жана илим министри Алмаз Бейшеналиев «Маралга» берген маегинде билдирди.
Анын айтымында, бала бакча жетишпеген аймактарда кыска мөөнөттүк (3 сааттык) окутууну жайылтуу — учурдун талабы. Кийинки жылы ЮНИСЕФ менен кыска мөөнөттөгү 500дөй бала бакча ачуу долбоору ишке ашырылат.
Мындан сырткары ЖОЖдордун бүтүрүүчүлөрүнүн сапаты рынок шартына жооп бербейт. Теория менен практиканын айкалышпаганы боюнча көйгөй бар.
«Андыктан адамдык баалуулуктарга багытталган критикалык ойлонуу, көйгөйдү чечүү, аналитикалык ой жүгүртүү, коммуникациялык көндүмдөр сыяктуу негиздерге басым жасашыбыз керек. Болбосо, бүтүрүүчүлөр эмгек рыногуна жооп бербей жатканы ушунда», — дейт министр.
Бейшеналиев жогоруда аталган 3 маселе приоритеттүү багыттардын негизгилери экенин белгилеп, чечүү пландарын кошумчалады.