Бүгүн, 24-ноябрда Бишкекте президенттикке талапкерлердин айрымдары маалымат жыйын өткөрөт. Алдын ала маалыматтар боюнча анда талапкерлердин укуктарын бузуу жана административдик ресурстарды колдонуу-колдонбоо маселелери козголот.
«Реформа» партиясынын лидери, президенттикке талапкер Клара Сооронкулованын айтымында, Борбордук шайлоо комиссиясы тарабынан жасалма жол менен түзүлгөн чектөөлөрдөн улам талапкерлердин укуктары бузулуп жатат.
Алдыдагы шайлоонун таза жана акыйкат өтүшүнө шек туудурткан жагдайлар болууда.