«Жалпы иш» коомдук фонду өлкө боюнча 300 стационардык байкоочуларды, 58 мобилдик топту жана 8 регионалдык юристтерди ачуу процедураларына, добуш берүүгө, добуштарды саноого жана жыйынтыктарды чыгарууга байкоо жүргүздү. Фонддон билдиргендей, фонд Шайлоонун Мониторингдин Өркүндөтүлгөн Методологиясын (ШБО) колдонууда, ШБО — бул шайлоону байкоонун өркүндөтүлгөн техникасы жана ал тандалган шайлоо процесстери боюнча жыйынтык чыгаруу менен жалпы өлкөдөгү шайлоо процессин так сүрөттөйт.
Байкоочулар шайлоо күнү тынч башталганын, бир нече маанилуу эмес мыйзам бузуулар байкалганын билдиришти. «Жалпы иш» коомдук фондунун бардык байкоочулары белгиленген участоктордо шайлоого байкоо жүргүзүү мүмкүнчүлүгүнө ээ болушту.
Ачылыш процедуралары негизинен мыйзамга ылайык жүргүзүлгөн.
Шайлоо участкаларынын басымдуу көпчүлүгү (83%) саат 07:30га чейин ачылыш үчүн даярдык жыйындарын өткөрүштү. Байкоочулар шайлоо участкаларынын 68% кыймылы чектелген адамдар үчүн толугу менен, ал эми дагы 20%ы жарым-жартылай жеткиликтүү экендигин билдиришти.
Көпчүлүк шайлоо участкаларында (91%) УШКлар ачылууга даярдануу учурунда COVID-19га байланыштуу алдын-алуу процедураларды толугу менен аткарышты. Байкоочулар УШКлар 8% шайлоо участкаларында ушул процедураларды жарым-жартылай аткаргандыгын билдиришти. Шайлоо участкаларынын 96% шайлоо участкаларында мыйзамга ылайык чүчүкулак өткөрүү жолу менен шайлоочулардын арасында конкреттүү ролдор дайындалды. Добуш берүүчү үкөктөрдүн дээрлик бардыгы бош (99,7%) шайлоо участкаларында байкалган жана алардын 99% туура бекитилген. 98% шайлоо участкаларындагы шайлоо бюллетендерине кол коюлган текшерүү тизмеси ташталды, ал эми келип түшкөн бюллетендерди 93% шайлоо участкаларында кол менен саноо жүргүзүлдү.
Байкалган кичинекей процесстик окуялар/инциденттер
- УШКнын кечиккен отуруму: 1305 Бишкек; 1321 Бишкек; 8152 Баткен облусу, Кадамжай району
- УШКнын ролун бөлүштүрүү үчүн чүчүкулак жок: 1305 Бишкек; 1321 Бишкек
- Бюллетендерди кол менен саноо болгон жок: 1321 Бишкек; 1208 Бишкек; 7378, Панфилов району, Чүй облусу: 7211, Сокулук, Чүй облусу
- Шайлоо участкаларынын эрте / кеч ачылышы: 8152 Баткен облусу, Кадамжай району
УШКдан түшкөн арыздар / Даттануулар
«Жалпы иш» КФнын байкоочулары жогоруда айтылган окуялар жөнүндө УШКларга 10 жазуу жүзүндө билдирме беришти. «Жалпы иш» КФ шайлоо күнүндөгү процесстерге байкоо жүргүзөт жана шайлоо мыйзамдарын одоно бузгандыгы боюнча арыздарды берет. Азырынча «Жалпы иш» КФ тарабынан расмий даттануулар боло элек.
«Жалпы иш» коомдук фонду шайлоочулардын активдүүлүгү жөнүндө маалыматтарын саат 13:00дө, 15:00дө, 17:00дө жана 19:00дө инфографика аркылуу жарыялайт. Кийинки пресс-релиз саат 14:00гө чейин добуш берүү процессин камтыган саат 16:00дө жарыяланат.