Улуу Британиянын борбору Лондон шаарында залкар жазуучу Чыңгыз Айтматовдун ишмердигин баяндаган «Евразиялык жазуучунун даңазалуу жолу» аттуу китеп англис тилинде жарык көрдү.
Китептин автору: Айтматовдун чыгармаларын англис, немис тилдерине которуу жана чет өлкөлөрдө жайылтуу менен алектенип келаткан профессор, лингвист Рахима Абдувалиева.
Китепте залкар жазуучунун балалыгы, чыгармачылык жолу, дипломатиялык иши, эл аралык кадыр-баркы, көтөргөн идеялары тууралуу баяндалган. Автордун айтымында, басылма Чыңгыз Айтматовдун баскан жолун дүйнөлүк коомчулукка кыскача тааныштырып, кыргыз коомчулугу үчүн жаңы өңүтүн ачып берет.