Түркмөнстандын президенти Гурбангулы Бердумухамедов Ашхабад шаарында алабай тукумундагы иттин алтын айкелин орнотуп, ачылышына катышты. Бул тууралуу аталган өлкөнүн басылмалары жазып чыгышты.
Маалыматка ылайык, иттин алтын айкелинин бийиктиги — 6 метр. Ал бийиктиги 9 метр болгон постаментте жайгашкан. Айкел видео экран менен курчалган, анда ушул тукумдагы иттердин катышуусунда видеотасмалар көрсөтүлүп турат.
Түркмөнстандын башчысы алабай тукумундагы иттерди аярлап келет. 2017-жылы Орусия президенти Владимир Путинге Верный аттуу күчүгүн берген. Ал эми 2019-жылы Дмитрий Медведевге да ушундай белек тартуулаган.
Эске салсак, Өткөн жылдын сентябрь айында Бердымухамедов «Түркмөн Алабай» аттуу китебин чыгарып, ушул эле аталыштагы ырын жаздырган.