Садыр Жапаров эмне үчүн галстук тагынбай жүргөнүн түшүндүрүп берди. Бул тууралуу ал журналисттер менен маалымат жыйын куруп жаткан учурда айтып өттү.
«Мен галстукту жөн эле таккым келбейт. Мен үчүн моюнду муунтуп турганы ыңгайсыз. Ошон үчүн такпайм. Мында эч кандай саясат жок. Мына кечээ көрдүңөр го, (күлүп) ШКУ жыйынында галстук тагынып отурдум. Башка өлкөлөрдүн алдында галстук тагынып отурууну туура деп эсептедим», — деген пикирин айтты Жапаров.
Белгилей кетсек, Садыр Жапаров буга чейин бардык расмий иш-чараларга галстугу жок катышып келген.
Садыр Жапаров бүгүн маалымат жыйын өткөрүүдө. Буга чейин ал Жетим-Тоо, бир тууган эжеси, чек ара кызматы тууралуу пикирлерин билдирген. Төмөндө толук окуй аласыздар: