Бүгүн, 5-ноябрда Чолпон-Ата шаарынын ат майданында көк бөрү командаларынын Президенттин Кубогу үчүн болгон беттеши уланып жатат.
Саат 09:00гө белгиленген Биринчи Лигадагы «Жети-Өгүз» — «Ала-Тоо» командаларынын ортосундагы беттеш 2:11 эсебинде «Ала-Тоо» командасынын жеңиши менен аяктады.
Оюндун үчүнчү бөлүгүндө «Жети-Өгүз» командасынын улакчысы Чыныбек уулу Арслан атаандаштарынын тайказанына кооптуу, бирок ошол эле учурда таң каларлык улак таштады.