Жогорку Кеңештин депутаты Канатбек Исаев президенттикке талапкер катары шайлоого катышуу үчүн Борбордук шайлоо комиссиясына арыз тапшырды. Бул тууралуу БШКдан кабарлашты.
Канатбек Исаев 45 жашта. Ал 4-ноябрда Жогорку Кеңештин төрагалыгынан кетти.
Президенттикке талапкер катары шайлоого катышуу үчүн Борбордук шайлоо комиссиясына арыз тапшыргандар — Адахан Мадумаров, Арстанбек Абдылдаев, Кубан Чороев, Назарбек Нышанов, Бектур Асанов, Канатбек Исаев, Бакыт Бакетаев.
Азыркы өкмөт башчы Садыр Жапаров президенттик шайлоого катышарын буга чейин айткан. Ал президенттик ыйгарым укуктарын 14-ноябрда тапшырарын билдирди.
Кыргызстанда мөөнөтүнөн мурда президенттик шайлоо 10-январда өтөт.