Чолпон-Ата шаарында өтүп жаткан Кыргыз Республикасынын Президентинин кубогу үчүн болгон көк бөрү беттешинин саат 09:00гө белгиленген тайпалык оюнунда «Төш-Булак» командасы менен «Ала-Тоо» командасы кез келди.
Бул турнирде «Ала-Тоо» командасынан катышкан, таанымал улакчы Манас Ниязов 7 улак салды. Ал оюнга Шторм аргымагын минип чыккан.
Оюндун жыйынтыгында эки команданын ортосундагы беттеш 1:12 эсебинде «Ала-Тоо» командасынын жеңиши менен аяктады.
Учурда биринчи лиганын «Б» тайпасындагы «Четинди» — «Келечек» командаларынын ортосундагы беттеш жүрүп жатат.
Белгилей кетсек, турнир коронавирус пандемиясынан улам көрүүчүлөрсүз өтүүдө.