Молдовадагы президенттик шайлоонун жыйынтыгын эсептөө дээрлик аяктап калды. Өлкөнүн БШКсы добуштардын 99,11%ы эсептелгенин айтты.
Алдын ала жыйынтык боюнча, учурдагы президент Игорь Додон 33,01% добуш алды. Ал эми анын атаандашы оппозициялык партиянын лидери Майя Санду 35,61% добуш менен алдыга озуп чыкты. Тагыраак айтканда, проевропалык саясатчы, мурунку премьер-министр шайлоонун биринчи турунун жеңүүчүсү болду.
Эми президенттик шайлоонун жеңүүчүсү 15-ноябрда өтө турган шайлоонун экинчи турунда аныкталмакчы.
Кечээ жекшембиде өткөн шайлоого шайлоочулардын 40%ы катышты. Бул минималдуу босогодон өткөн деп бааланып, БШК шайлоону өттү деп тааныды.