Президенттин милдетин аткаруучу, премьер-министр Садыр Жапаров кеңешчиси Акылбек Жапаровду кызматынан бошотту. Бул тууралуу ал коомдук телеканалга берген маегинде билдирди.
— Акылбек Жапаровду мен 3 күндөн бери издеп, таппай атам, жумушка келе элек. Бүгүндөн баштап ал менин кеңешчим болбойт, — деп билдирди Жапаров.
Акылбек Жапаров буга чейин Жогорку Кеңештин жыйынында экономикалык маселелер боюнча Садыр Жапаровдун кеңешчиси болгонун билдирген эле.