Салык кызматы коррупциялык схемага аралашкан деген маалыматтарды четке кагып, Финансы полициясынын айыптоосу юридикалык жактан негизсиз деп эсептейт.
Бүгүн, 27-октябрда Финансы полициясы Салык кызматынын жана Социалдык фонддун кызмат адамдары алтын өндүрүүчү компания менен коррупциялык схема түзүшкөнүн кабарлаган.
Салык кызматы 2018-жылы «К.Г.К.» алтын казып алуучу компаниясына карата жүргүзгөн бардык иш-аракеттери мыйзамдардын чегинде гана ишке ашырылганын билдирүүдө.
Мамлекеттик салык кызматы Салык кодексинин 54-беренесине (салыктык сыр) ылайык айыптоого себеп болгон маалыматтарды коомго ачык жооп катары берүүгө укугу жок экендигин билдирет.
Ошол эле учурда тергөө иш-чараларынын алкагында зарыл болгон бардык материалдарды Финансы полициясына берерин белгилейт.
Салык кызматы менен Соцфонддун кызматкерлери түзгөн коррупциялык схема аныкталды