Кыргызстанда акыркы бир сутка ичинде коронавирус илдетинен төрт бейтап каза болду. Пандемия башталгандан бери вирустан көз жумгандардын саны 1126га жетти.
23-октябрга карата COVID-19 илдети менен 582 бейтап катталды. Анын ичинде эң көп учур Ош жана Баткен облустарында катталды.
- Бишкек шаары — 63;
- Ош шаары — 59;
- Чүй облусу – 81;
- Ош облусу — 127;
- Талас облусу — 17;
- Нарын облусу — 7;
- Ысык-Көл облусу – 29;
- Жалал-Абад облусу – 86;
- Баткен облусу — 113.
Өлкөдө коронавирус жуктургандардын жалпы саны 54 миң 588ге жетти.
Учурда ооруканаларда 3139 бейтап бар, үй шартындагы дарыланууда 2719 адам бар.
Акыркы бир сутка ичинде COVID-19 илдетинен 324 киши айыкты. Коронавирустан айыккандардын жалпы саны 47 миң 50 болду.