Ирландия өкмөтү коронавирустук кырдаал курчуп бараткандыктан, өлкөдө 6 жумалык карантин киргизүүнү чечти. Карантин 21-октябрдан баштап күчүнө кирет. Өлкөдө эпидемиологиялык максималдуу тобокелдик жарыяланды.
Карантиндин алкагында азык-түлүк дүкөндөрүнөн жана дарыканалардан башка бардык дүкөндөр жабык болот, чачтарачтар, сулуулук салондору, фитнес клубдар ишин токтотот.
Коомдук тамактануу жайлары тамак-ашты алып кетүү же үйгө жеткирүү үчүн гана иштейт. Жарандарга үйлөрүнөн 5 км алыстыкта жүрүүгө тыюу салынат.
Бала бакчалар, мектептер жана курулуштар иштей берет.
Өкмөт ошондой эле жарандарды байланышты чектөөгө чакырды.
Карантин мөөнөтү аяктагандан кийин кырдаал бааланып, андан аркы иш-аракеттер жөнүндө чечим кабыл алынат.
Акыркы маалыматтар боюнча, 18-октябрда өлкөдө 1200дөн ашуун жаңы учур катталды. Оорунун жалпы саны 50 миңге жетип, вирус 1852 ирландиялыктын өмүрүн алды.