Кыргызстандын аймагында абал туруктуу жана укук коргоо органдарынын кызматкерлери тарабынан көзөмөлдөнүп жатат. Бул тууралуу Ички иштер министрлигинин басма сөз кызматы кабарлады.
Өлкөдөгү акыркы окуяларга байланыштуу ички иштер органдарынын кызматкерлери башка укук коргоо органдары менен бирге кылмыштарды аныктоо, бөгөт коюу жана бетин ачуу иштерин жүргүзүп жатат.
18-октябрга карата Кылмыштардын жана жоруктардын бирдиктүү реестрине 138 кылмыш, 107 жоруктар катталды.
Ошондой эле жергиликтүү бийлик өкүлдөрү, ыктыярдуу элдик коошундар менен биргеликте коомдук тартипти сактоону камсыздоо иш-чараларын жүргүзүүдө.