Түштүк Осетиянын президенти Анатолий Бибиловдун коронавирус оорусуна чалдыкканы аныкталды. Бул маалыматты «РИА Новости» агенттиги жазды.
Маалыматка ылайык, Бибилов коронавирустун жеңил түрү менен ооруп жатат. Мындан улам өз ишмердүүлүгүн аралыктан — онлайн режимде улантууда.
Ошол эле учурда аталган өлкөнүн премьер-министринин милдетин аткаруучу Геннадий Бекоев да коронавируска чалдыкан. Бирок анын оорусунун түрү так аныктала элек.
Белгилей кетсек, буга чейин президенттин маалымат катчысы Дина Гассиевадан коронавирус табылганы маалымдалган.