Кадырбеков Нуржигит Кадырбекович Маданият, маалымат жана туризм министри болуп дайындалды. Бул тууралуу өкмөттүн маалымат кызматы билдирди.
Маалыматта «Кадырбеков Нуржигит Кадырбекович Маданият, маалымат жана туризм министри болуп дайындалды. Тиешелүү буйрукка Премьер-министр Садыр Жапаров кол койду», — деп айтылат.
«Мындай чечим кадрдык потенциалды жаңыртуу жана мамлекеттик жарандык кызматка жаңы жана жаш адистерди тартуу максатында кабыл алынды», — деп түшүндүргөн өкмөттүн маалымат кызматы.
Белгилей кетсек, Нуржигит Кадырбеков буга чейин аталган министрликте орун басарлык кызматты аркалап келген. Ал парламенттик шайлоого «Ыйман Нуру» партиясын жетектеп барган.