АКШ президенти Дональд Трамп коронавирус инфекциясынан дарыланып жаткан Уолтер Рид атындагы аскердик-медициналык борборунан чыгып, Ак үйгө кайтты. Бул тууралуу ал Твиттердеги баракчасында жазды.
Трамп шайлоо алдындагы кампания иштерин улантууга убада кылды.
— Өзүмдү жакшы сезип турам, коронавирустан коркпоңуздар, сиздердин жашооңуздарды башкаруусуна мүмкүнчүлүк бербеңиздер, — деп жазган Трамп.
Бул арада анын оорусу канчалык олуттуу жана башкаларга жуктуруп алуу коркунучу канчалык деген сыяктуу суроолор жоопсуз турат.
АКШда Covid-19 менен 7,4 миллиондон ашык жаран катталган. Анын 210 миңден ашыгы каза болгон.