Кыргыстанда мектеп окуучулары кайрадан дистанттык түрдө окууга өтүштү. Бул тууралуу Билим берүү жана илим министрлиги кабарлады.
Учурда тиешелүү буйрук даярдалып жатканы айтылды. Окууну жандандыруу маселеси өлкөдөгү кырдаал турукташкандан кийин каралат.
5-октябрда 1-класстын окуучулары мектепке барышкан жок. Ал күнү бардык мектептерде дезинфекциялоо иштери жүрдү.
Маалым болгондой, көпчүлүк шайлоо участоктору мектеп имараттарында жайгашкан.
6-октябрдан тарта 1-класстан 6-класска чейинки окуучулар мектепке барып окуй баштайт деп кабарланган. Ал үчүн санитардык-гигиеналык нормаларды сактоо боюнча алгоритм иштелип чыккан.