Бишкектин борбордук аянтындагы башаламандык учурунда, өрттү өчүрүү үчүн келген атайын техниканы белгисиз бирөөлөр айдап кетишкен. Бул тууралуу ӨКМдеги ишенимдүү булагыбыз кабарлады.
Маалыматка ылайык, өрт өчүрүүчү унаа ӨКМдин Бишкек шаарындагы №3 бөлүмүнө таандык экени айтылууда.
Кошумчалай кетсек, «Ала-Тоо» аянтына топтолгон элди таратууда милиция күч колдонуп, көздөн жаш агызуучу заттарды жардырган. Ошондой эле айрым таштанды урналары демонстраттар тарабынан өрттөлүп, өрт чыккан болчу.